Diwali Apni Wali

*Diwali Apni Wali*

Diwali Apni Wali Hum Manana bhul gaye...

Papa ke Haath Thaame Phulzhariya Jalana Chutt gaye..

Aab toh Khud Ghar ke Dipak Jalete Hain

Patake Kharidte Toh Hai, Lekin Jalana Bhul Jaate Hain...

Hazaroon Mil Dur Baithe Hain Hum, 

Roshni Bhi hain, Patake Bhi Hain...

Mehsoos ho rahi hai Ehsaas Uss Pal ka,

Ek Band Muthi Ne Jo Meri Ungli Pakri Thi

Bachpan ki baat hai, Bachpan ki Yaad Hain

Choti Choti Nazren, Chote Chote kadam

Dekh bhi Rahe Hain, Dour bhi rahe hain

Khwahishon ki Uddan Ke Chaddar Odhe Huwe...

Maa Ke Pass Gowd Mai Soo Rahe Hain..

Samai Chali Gayi, Woh Waqt Chala gaya

Hum badde ho gaye, Bachpana Chala Gaya

Kaise Bole Hum Ki Aaj bhi Hum Woh Haath Thamna Chahte Hain..

Kaise Bole Hum Ki Aaj Bhi hum Apke Pass Sona Chate Hain...

Kaise Bole Hum Ki Aaj Bhi Yeh Diwali Sooni Lagti Hain...

Bina Apno Ke Yeh Zindagi Adhuri Lagti Hai....

Woh Samah Woh Ehsaas Kitna Pyara Tha...

Kabhi Haath Thama, Kabhi Gowd Mai Soya Tha...

Aaj jab apne Bache Haath Mera Thamte Hai..

Toh Samajh Aata Hai, Ehsaas Hota Hai ki

Maa-Pita ka Pyar Hum Kitna Nahi Jaante Hain...

Khusiyan Berang Hai, Tyoharen Adhuri..

Apno ki Kami ko Koi Nahi Kar Sakta Puri..

Behan Bhai Mata Pita Sab Bahut Yaad Aate Hain..

Bina Unke Tyoharen Nahi Manaye Jaate Hain...

Bina Unke Tyoharen Nahi Manaye Jaate Hain...

*Subh And Mangalmay Deepawali*

*Rahul Bagaria*

*26.10.2019*